Dy persona janë arrestuar në Arapaj të Durrësit, mes të cilëve pronari i një lokale.
Aksioni, sipas bluve, erdhi “bazuar në informacionet e siguruara në rrugë operative”.
Në pranga u vu Sh.K., 52 vjeç, banues në Arapaj, Durrës, pronari i një lokali për veprat penale “Prodhimi dhe shitja e narkotikëve” dhe “Përshtatja e lokalit për përdorim droge”;
Po ashtu, u arrestua D.Q., 33 vjeç, banues në Kavajë, për veprat penale “Mbajtja pa leje e armëve të ftohta” dhe “Moskallëzimi i krimit”.
“Shërbimet e Policisë, gjatë kontrollit të ushtruar në lokalin në pronësi të shtetasit Sh.K., në Arapaj, Durrës, gjetën dhe sekuestruan në cilësinë e provës materiale një sasi lëndë narkotike të dyshuar kokainë. Gjithashtu, gjatë kontrollit fizik ndaj shtetasit D.Q., klient në lokal, shërbimet e Policisë kanë gjetur dhe sekuestruar në cilësinë e provës materiale një thikë”, thuhet në njoftimin e bluve.
