Aineo Redo, është avokati shqiptar që u gjet i vrarë në Reggio Emilia, ndërsa mediat italiane raportojnë se viktima u gjet me fyt të prerë.
Redo, 49 vjeç, me origjinë nga Bulqiza, por prej vitesh jetonte në Itali, nuk kishte asnjë precedent penal por dyshohet se vuante nga depresioni.
Trupi i pajetë u gjet ngakalimtarë të rastit që njoftuan policinë, e cila fillimisht bllokoi kalimet në zonë.
Hetuesit gjetën në vendngjarje thikën në dorën e viktimës. Pista e parë e hetuesve është vetëvrasja. Por këto janë vetëm dyshimet e para, ndërsa aktualisht po hetohet edhe pista e vrasjes.
Ka dyshime se autori të ketë vendosur thikën në dorën e 49-vjeçarit për të shmangur hetimet në mënyrë që ngjarja e rëndë të duket si vetëvrasje.
Askush nuk e ka parë si ka ndodhur ngjarja. “Nuk dëgjuam asgjë, atëherë me këtë shi sot ishte edhe më e qetë se zakonisht zona”, thotë një shitës.
“Galeria është pothuajse gjithmonë e shkretë, është bërë vendqëndrim për biçikleta”, thotë ai.
Viktima ishte i martuar dhe kishte dy fëmijë. Ai mbërriti në Itali në vitin 1996 dhe u diplomua në Universitetin e Parmës. 49 vjeçari ishte diplomuar për drejtësi dhe punonte si avokat për çështjet e emigracionit.
***
Disa të rinj kaluan para vendit ku u gjet trupi i pajetë i avokatit Aineo Redo, ndërsa u krijua një kontrast vërtet surreal: ishte dita e diplomimit të tyre, dhe ata festonin diplomimin e tyre. Në anën tjetër policia kishte nisur hetimet në via Emilia Santo Stefano 4 ku u gjet i pajetë trupi i avokatit.
Via Emilia është pika më e ngarkuar e qendrës për numrin e dyqaneve. Nga pyetja e disa prej tregëtarëve, të cilët hapin bizneset e tyre rreth orës 08:00-09:00, askush nuk ka vënë re diçka të çuditshme ose se kanë dëgjuar ndonjë zhurmë të veçantë përpara asaj të sirenave të policisë.
Vendi ku u gjet trupi i avokatit është mjaft i fshehur nga pamja, megjithëse po flasim për zemrën e qendrës historike.
