Ka qenë minuta e 7-të e Liverpool-Manchester United, kur gjithë publiku i Anfield ka filluar të duartrokasë dhe të këndëojë ‘You’ll Never Walk Alone’, jo për të mbështetur skuadrën e Klopp, por për t’i qëndruar afër një kundërshtari, Cristiano Ronaldo-s.
Një ditë më parë, portugezi kishte lajmëruar ndarjen nga jeta të një prej dy binjakëve gjatë lindjes së partneres së tij, Georgina Rodriguez.
Ylli i Djajve të Kuq, i cili ka munguar në ndeshjen kundër Liverpool-it, ka dashur të falënderojë tifozët e Të Kuqve, nëpërmjet një mesazhi në rrjetet sociale.
“Një botë… Një sport… Një familje globale… Faleminderit, Anfield. Unë dhe familja ime nuk do ta harrojmë kurrë këtë moment respekti dhe ngushëllimi”.
Ky është postimi i parë i Cristiano-s pas lajmit të dhimbshëm për humbjen e djalit të porsalindur. Në orët e kaluara, kanë ardhur mesazhe falënderimit edhe nga familjarët e portugezit për tifozët e Liverpool-it.
