Sot 96 vite më parë lindi Elizabeth-Alexandra-Maria, Mbretëresha Elizabeth e Anglisë.
Mëngjesin e djeshëm ajo udhëtoi me helikopter nga Kështjella Windsor, e cila tashmë është rezidenca e saj kryesore, drejt pronës së saj në Sandringham në lindje të Anglisë për të kaluar një pushim të shkurtër.
Zyrtarisht, Buckingham Palace nuk po planifikon asnjë lloj feste publike. Në fund të fundit, çdo vit mbretëresha feston dy herë ditëlindjen e saj, një herë në ditën kur lindi dhe një herë në qershor. Të parën tradicionalisht e kalon në një rreth të ngushtë familjar. Kështu do të jetë tani. Pritet që këto ditë të vizitohet nga anëtarë të familjes mbretërore dhe disa miq. Megjithatë, festa e dytë e saj është më madhështore, me pjesëmarrjen e qytetarëve.
Këtë vit, i cili feston edhe jubileun e Platinit, pasi janë mbushur 70 vjet në fronin britanik, janë planifikuar aktivitete katërditore në të gjithë vendin. Nga data 2 deri më 5 qershor, MB do të organizojë një festë të vazhdueshme me shfaqje, ngjarje arti, shfaqje teknologjike, etj. Qeveria britanike ka premtuar një festë “një herë-çdo brez”.
Kjo është hera e parë që një monark britanik feston Jubileun e Platinit.
