Kryeministri Edi Rama ka komentuar, ditën e sotme në Kuvend, edhe situatën në Partinë Demokratike. Madje Rama ka zgjedhur të përdorë ironinë, kur tha se flamuri i PD është kthyer si ato çarçafët e shtëpive të qejfit, që nuk dihet se nuk i tund.
“Është qesharake që ju flisni si me imunitet diplomatik nga ambasada amerikane dhe vini këtu na bëni leksion. E kuptoj që diku do kapeni, por kapeni pas flamurit të PD se flamurin amerikan e kapin amerikanët.
Flamurin e PD kapni e mundohuni ta ngrini se e keni bërë si ato çarçafët e shtëpive të qejfit që nuk dihet kush e tund“, tha Rama në Kuvend, gjatë replikave në seancë plenare.
