Një ngjarje e rëndë është raportuar ditën e sotme nga mediat italiane.
Avokati shqiptar Aineo Redo, 49 vjeç, është gjetur i vdekur me fyt të prerë në Itali.
Mediat vendase shkruajnë se trupi i Redos u gjet nga një kalimtar paraditen e sotme në qendër të Reggia Emili.
Mësohet se dosja është në duart e prokurorit Iacopo Berardi dhe pista e parë që po hetohet janë konfliktet që mund të ketë pasur shqiptari.
Avokatit iu gjet dhe një thikë në dorë, por hetuesit mendojnë se e gjitha është një inskenim për ta bërë ngjarjen të duket si vetëvrasje. Deri më tani janë pyetur banorët e zonës dhe po shqyrtohen pamjet filmike të kamerave të sigurisë.
