Monika Kryemadhi, kryetare e LSI, tha se Presidenti Ilir Meta harmonizon të gjithë faktorin opozitar. Ajo tha se Meta do të nisë një garë shumë më të gjatë dhe është politikani me më pak komplekse përsa i takon komunikimit me cilindo faktor.
“Është politikani që ka fituar të gjitha betejat e tij, megjithëse ka qenë i vetëm në këto beteja”, tha Kryemadhi.
Sipas saj, Presidenti duhet të zgjidhet nga populli, ndërsa u shpreh se konventa e LSI nuk ka lidhje me përfundimin e mandatit të Ilir Metës si Kryetar i Shtetit.
“Unë nuk do të rikandidoj si Kryetare e LSI, pasi kam konsumuar dy mandatet si kryetare e kësaj partie. Ilir Meta kur u zgjodh President e la LSI me 19 mandate, ndërsa sot ka 4 mandate”, tha Kryemadhi.
Kryemadhi: Presidenti i ardhshëm unë mendoj që është guardian i Kushtetutës dhe guardian i votës së lirë. Pse e them këtë? Presidenti pavarësisht se sot në kushtet që ne jemi presidenti është një institucion pa kompetenca është honorofik. Presidenti do të jetë thjesht një noter i disa vendimeve që do të kalojnë në parlament. Në disa këndvështrime të tjera presidenti republikës dhe për opinionin publik, Presidenti Republikës vendos disa balanca të tjera, midis qeverisë, parlamentit
Blendi Fevziu: Por i zgjedhur nga populli kërkon kompetenca të tjera?
Kryemadhi: Po patjeter. Sepse sot ne kemi një kryeministër edhe për fajin e opozitës, ku djegia mandateve, largimi nga parlamenti dhe nga të gjithë institucionet i dha shansin për ta bërë një autokrat të dhunshëm në aspektin institucional.
