Vendparkimi i gabuar ka çuar në kanosje me armë të një ish-polici ne qytetin e Shëngjinit mëngjesin e sotëm.
Burime bëjnë me dije se dy personat me inicialet E. M. 29 vjeç, dhe E. S. 25 vjeç, të dy banues në Shëngjin janë futur në lokalin ku po qëndronte ish-polici Gj. N., dhe pasi janë konfliktuar me të e kanë kërcënuar me armë këtë të fundit.
Sipas po të njëjtave burime në momentin e konfliktit në lokal ndodheshin dhe persona të tjerë, duke rrezikuar dhe jetën e tyre.
Menjëherë policia e Shëngjinit është vënë në kërkim dhe ka bërë të mundur arrestimin e 2 të rinjve të cilët akuzohen për veprat penale ‘armë mbajte pa leje’ dhe ‘kanosje me armë’
