Nga Boldnews.al
Në datën 24 mars 2022, Boldnews.al denoncoi një procedurë tenderuese të paracaktuar nga QSUT,-ja, e cila kishte akorduar rreth 100 mijë euro për mirëmbajtjen e disa pajisjeve të oksigjenit. Në atë kohë, redaksia jonë hodhi dyshimin se fituesi dihej, pasi në këtë rast pritej që fitues të shpallej GTS-ja e “Nikut të Ndraghetës”.
Dhe, ashtu siç edhe paralajmëruam, fitues i këtij tenderi është GTS-ja! Të jetë rastësi, apo paracaktim?
Nëse Boldnews.al analizoi vetëm dokumentet dhe arriti në këtë përfundim, përse nuk i bëjnë institucionet ligjzbatuese!
“Drejtësia e re” ka krijuar një sërë institucionesh për zbulimin e këtyre abuzimeve, që nga SPAK, Byroja Kombëtarë e Hetimit apo edhe struktura brenda prokurorive të rretheve apo të Policisë së Shtetit. Të kenë frikë?!
Në mars 2022, Boldnews.al publikoi investigimin me titull “Albana Fico në gjurmët e Kel Jotit, “ndihmë” 100 mijë euro për “Nikun e Ndraghetës”?! Në ato radhë ne ngritëm disa dyshime, duke analizuar dokumentet e vetë QSUT-së. Në fakt, në dokumente nuk përmendej asnjë emri firme, po lihej të kuptohej se gjithccka po bëhej për të favorizuar GTS-në!
“… do të ndalemi te oksigjeni i QSUT-së, ku ish-drejtori Enkelejd Joti, tashmë i katapultuar te RTSH, ka shpallur fitues kompaninë GTS. Në hyrje të QSUT-së, qendron tankeri i kësaj kompanie, me mbishkrimin me gërma kapitale GTS. QSUT ka hapur tenderin për mirëmbajtjen e pajisjeve të oksigjenit, pikërisht të pajisjeve të firmës GTS! Por, kaq pak po kërkon Niku?! Nëse është kjo shumë, atëherë përse kërkon ndihmë nga Fico? A nuk do ishte më e udhës që këto para’ Niku t’ia falte QSUT? Ndoshta si formë shpërblimi pas miliardave të marra këto dy vite…” ishin disa nga radhët e Boldnews.al.
Ndërkohë, 4 javë më vonë, QSUT ka shpallur fituesin e tenderit me objekt “riparim – mirëmbajtje sisteme ajri të vakumuar dhe komprimuar, tanker oksigjeni, rampa oksigjeni, linjat e pajisjet përkatëse për nevojat të QSUNT për një periudhë mbulimi 24 muaj”.
Vlera e pritshme e kontratave që mund të lidhen gjatë marrëveshjes kuadër është 9.832.692 lekë, ose me TVSH shuma shkon në rreth 100 mijë euro. Tenderi u zhvillua në datë 29 mars, ndërsa ditët e fundit u shpall edhe firuesi.
Kush?! GTS-ja, e cila ishte e vetmja në garë. Madje, me një ofertë prej 9.6 milionë lekë, pra ka lënë vetëm 0.2 milionë lekë për buxhetin e shtetit.
