Policia e Fierit, në bashkëpunim me Forcën e Posaçme “Shqiponja”, kanë vënë pranga shtetasit Frederik Borova 24 vjeç dhe Alfons Zonja 42 vjeç, pasi shpërndanin lëndë narkotike.
Në lagjen “15 Tetori”, Fier, gjatë kontrollit fizik, shërbimet e Policisë i gjetën Borovës doza me lëndë narkotike cannabis sativa, gati për shitje dhe 2 aparate celularë.
Në aksin rrugor Fier-Patos, gjatë kontrollit të automjetit tip “Citroen” me drejtues shtetasin Zonja, shërbimet e Policisë gjetën dhe sekuestruan doza me lëndë narkotike cannabis sativa, 1 krehër pistolete, një sasi fishekësh dhe 1 aparat celularë. Pas testit të alkoolit, rezultoi se ai drejtonte automjetin, në gjendje të dehur.
Materialet i kaluan Prokurorisë pranë Gjykatës së Shkallës së Parë Fier, për veprime të mëtejshme procedurale.
