Media shtetërore ruse ka raportuar se Kremlini do të shpallë armëpushim në zonën përreth fabrikës të çelikut dhe hekurit Azovstal në qytetin jugor të Mariupol të mërkurën.
Agjencia e lajmeve RIA shkruan se lajmi është konfirmua nga ministria Ruse e Mbrojtjes.
Kujtojmë se më herët Rusia pretendoi se ka goditur më shumë se 1200 shënjestra ushtarake me raketa, sulme ajrore dhe artileri, ndërsa përleshjet kanë shpërthyer në rrugë në rajonin lindor të Donbasit, ku trupat e Vladimir Putinit kanë nisur një ofënsivë të shkallës së gjerë.
Ushtria e Moskës arriti të marrë kontrollin e qytetit lindor të Kreminës, pas disa orësh bombardime intensive. Ministria e Mbrojtjes tha të martën se armë të precizionit të lartë kishin qëlluar pozicione ukrainase në Donbas, përfshirë qytetin e Slavyansk. Faza e dytë e luftës në Ukrainë, sipas inteligjencës britanike, mund të zgjasë me muaj.
Igor Konashenkov, zëdhnës i Ministrisë së Mbrojtjes ruse, tha: “Sulmuam 1260 shënjestra ushtarake me rakta dhe artileri; 25 qendra komande në Nikolajev dhe Kirovsk, dy depo raketash dhe armësh, 2 raketahedhëse anti-ajrore dhe 1214 zona grumbullimi të armiqve”.
