Partia Socialiste ka bërë të ditur se ditën e mërkurë në orën 15:00 do të zhvillojë një takim me shoqërinë civile për çështjen e zgjedhjes së presidentit të ri.
Në Shqipëri operojnë disa organizata që paraqiten si shoqëria civile, por pothuajse të gjitha kontrollohen nga Soros, çka me shumë gjasë emrat apo kandidatët që mund të propozohen janë të njëjtët me ato që sot mund të jenë propozuar nga vetë deputetët e PS, që më parë kanë milituar si pjesë e këtyre organizatave.
Ndërsa konsultimet për bashkëpunim me opozitën do të mbahen në orën 17:00 me grupet parlamentare përfaqësuese.
Tre të mandatuarit për konsultimet mbi zgjedhjen e presidentit janë Damian Gjiknuri, Taulant Balla dhe Elisa Spiropali.
Sot deputetët socialistë kanë dorëzuar formularët me 3 emra, bazuar në rregullin e vendosur më parë në grupin parlamentar për mbledhjen e kandidaturave të mundshme për postin Presidencial.
