Procesi i zgjedhjeve të kryetarëve të degëve në Partinë Demokratike vijon të kontestohet nga ata që konsiderohen si mbështetës të grupimit të Lulzim Bashës.
Kryetari në detyrë i degës nr 8 në Tiranë, Pëllumb Seferi, përmes një deklarate shprehet se zgjedhjet që po zhvillohen thellojnë edhe më tej përçarjen mes demokratëve, ndërsa e konsideron të paligjshëm procesin.
“PD dega 8 e kundërshton këtë proces votimi që po zhvillohet sot në degën tonë, është i paligjshëm, i njëanshëm që e bën ndarjen e PD edhe më të rëndë, ndaj kryesia e PD, dega 8 është mbledhur dhe miratoi një deklatarë që kundërshton këtë proces, duke e konsideruar si një veprim jo i rrezikshëm por e çon PD në përcarje të thellë.
Dega 8 e ka bërë të qartë që nuk është dakord, nuk ka qenë nëkrye të herës. Këto zgjedhje bëhën për interesat e disa njerëzve që e duan PD për atë që iu intereson.
Nuk është normale, ka sekretar, ka kryesi që duhet të bisedosh para se të zhvillosh një takim, është e qartë fare, ne nuk pajtohemi dot me paligjshmërinë, po të mos kisha mbështetjen e anëtarësisë nuk mund të shprehesha kështu.
Zyra është hapur për të biseduar me këdo, të marrin në telefon dhe thonë hajde folim te kafja se do të japim një postë. U kanë bërë presione, ka paligjshmëri. Që në nisje je në shkelje.
Kanë marrë në mënyrë klandestine listat e antërësisë. Përdorin lista të marra në mënyrë ilegale”, shprehet ai.
Reagimi vjen në një kohë kur në degën 8 anëtarësia po voton lidhur me kryetarin e ri të degës, ndërsa deri më tani janë zgjedhur të paktën 28 kryetarë degësh të PD.
