Deputeti i PD, Belind Këlliçi ka folur mbi procesin zgjedhor të mbajtur në qarkun e Beratit për zgjedhjen e kreut të ri të partisë Demokratike. Këlliçi tha se procesi kishte qenë solid dhe i qetë ndërsa faleneroi edhe kryetarin në detyrë, Gazment Azizin për kontributin e dhënë gjatë 9 viteve.
“Siç e shihni jemi në përfundim të procesit zgjedhor këtu në Berat. Unë kam kënaqësinë të jem me kryetarin në detyrë të degës së PD në Berat, Gazment Azizin, ku për 9 vite ka sakrifikuar për partinë në opozitë. Gjej rastin ta falenderoj për punën e jashtëzakonshme që ka bërë. Sot është bërë një proces solid për zgjedhjen e kryetarit të PD-së në Berat. Kjo është falë kontributit të dhënë nga të gjithë demokratët këtu”– tha Këlliçi.
Ndër të tjera, kryetari në detyrë, Gazment Azizi u shpreh se pjesëmarja kishte qenë e lartë dhe kjo gjë dëshmonte domosdoshmërinë e ringritjes së partisë Demokratike.
“Pjesëmarrja e demokratëve sot në këtë proces dëshmoi edhe njëherë domosdoshmërinë për ringritjen e partisë Demokratike. Unë do doja që në përfundim të këtij procesi t’i uroja të gjithë kandidatëve suksese në vijim”– u shpreh kryetari në detyrë, Azizi.
