Të paktën gjashtë persona janë vrarë dhe 11 të tjerë janë plagosur gjatë një sulmi me raketa në qytetin perëndimor të Ukrainës, Lviv, sipas raportimeve fillestare.
Kryetari i bashkisë së Lviv, Andriy Sadovy njoftoi sot në Facebook se në mesin e të plagosurve ishte edhe një fëmijë.
Sadovy nuk ka dhënë detaje se ku kishin goditur raketat, por ai tha se ishte goditur të paktën një objekt civil.
Përveç kësaj, xhamat e një hoteli aty pranë thuhet se u thyen nga vala e shpërthimit. Banorët që kishin ikur nga lufta nga rajone të tjera të Ukrainës jetonin në hotel.
Sadovy tha se gjithashtu ishin dëmtuar 40 automjete.
Sulmi ndodhi mëngjesin e së hënës. Sadovy ka raportuar gjithsej pesë sulme me raketa.
