Anëtari i Komisionit të Rithemelimit, Arben Ristani, tha në emisionin ‘Opinion’ se në statutin e 11 dhjetorit vendosën që askush të mos bëhet pjesë e organeve drejtuese të partisë pa një garë, ku përfshiheshin edhe deputetët.
Ristani tregoi se për shkak të interesit të madh për zgjidhjen e krizës dhe bashkimin e Partisë Demokratike, Komisioni i Rithemelimit do t’i propozojnë Kuvendi më 30 prill të ndryshohet kjo pikë e statutit.
Sipas Ristanit duke u ndryshuar kjo pikë e statutit deputetët do të jenë anëtarë të Këshillit Kombëtar dhe s’do të jetë nevoja që ata të votohen.
“Kemi rënë dakord në Komisionin e Rithemelimit t’ia propozojmë Kuvendit këtë ndryshim të statutit dhe deputetët të jenë pjesë e Këshillit Kombëtar.
Shikoni pjesëmarrjen në zgjedhje, është fantastike. Baza e PD është e bashkuar.
Do propozojmë ndryshimin e kësaj pike të statutit ku deputetët të jenë anëtarë të Këshillit Kombëtar pa qenë nevoja të votohen.”-tha Ristani.
