Një ngjarje mjaft e rëndë, e cila ka kaluar në heshtje nga thuajse të gjitha mediat, ndodhi ditën e djeshme në Portin e Durrësit të drejtuar nga drejtori i stër-përfolur për abuzime me tenderat, Pirro Vengu.
Një punëtor 19-vjeçar, Rufan Belshaku, humbi jetën në mënyrë tragjike për shkak të papërgjegjshmërisë së punëtorëve të portit. Mësohet se ai u tërhoq zvarrë nga vinçi, duke gjetur vdekjen.
Kanë qenë komshinjtë dhe miqtë e të riut të cilët kanë denoncuar ngjarjen. Ky rast fatkeq tregon se jeta e një punëtori në Shqipëri nuk vlen asgjë, madje edhe kur humb jetën në punë nuk të përmendin.
Ndërkaq policia arrestoi sot 3 persona për veprën penale “Shkelja e rregullave të mbrojtjes në punë”, përkatësisht Rendi Biçaku me funksion përgjegjës turni, në firmën përpunimit të kontenierëve në portin e Durrësit, Nazmi Varaku me funksion manovrator i makinerisë dhe Bledar Troplini me funksion kryemekanik i ofiçinës. /JOQ/
