Presidenti i Ukrainës, Volodymyr Zelensky, ka thënë se eliminimi i ushtarakëve ukrainas në qytetin e Mariupolit do t’i japë fund bisedimeve me Rusinë. Duke iu referuar një qyteti jashtë Kievit që është shkatërruar nga granatimet e rënda, Zelensky tha: “Mariupol mund të jetë si 10 Borodyankas”.
“Shkatërrimi i ushtrisë sonë, djemve tanë nga rusët, do na bëjë t’i japim fund të gjitha negociatave”, deklaroi presidenti Zelensky.
Më parë Zelensky kishte thënë se negociatat ishin duke u zhvilluar për fatin e Mariupolit, por rusët tani po kërkojnë dorëzim. Presidenti tha se Ukraina nuk do të pranojë kërkesën ruse, kjo për shkak të frikës së një masakre të mundshme që do të prekte ushtarët e saj, nëse ata dorëzohen.
