Wanda Nara ka turpëruar publikisht aktoren argjentinase China Suarez. Kujtojmë se kjo e fundit pati një flirt me bashkëshortin e Wandës, sulmuesin Mauro Icardi, duke bërë që çifti të kalonte një krizë për disa ditë, por më pas iu rikthyen normalitetit.
Pak ditë më parë Wanda fluturoi drejt Argjentinës për disa aktivitete promocionale dhe la Mauron vetëm në Paris, ndaj China përfitoi nga rasti për t’i shkruar sërish sulmuesit e për t’i kërkuar një takim.
Nuk dihet se si biseda mes saj dhe Mauro Icardit ka përfunduar në telefonin e Wandës, e cila e ka publikuar foton në Instagram për të denigruar figurën e aktores argjentinase.
