Komediania Molly Shannon ka zbuluar se është ngacmuar seksualisht nga Gary Coleman në fillim të karrierës së saj.
E ftuar në “The Howard Stern Show”, ajo tha për Stern se kishte marrë agjentin e Coleman dhe se agjenti e pyeti nëse donte të takonte aktorin. Ajo fillimisht ishte e emocionuar, por pasi agjenti i saj e çoi atë tek aktori në suitën presidenciale të një hoteli, ai “u zhduk”.
“Po përpiqesha të isha e sjellshme dhe gjëra të tjera. Unë jam një vajzë katolike e sjellshme ,” u shpreh komediania. Më pas ajo tregoi se Gary u përpoq vazhdimisht ta puthte dhe të hipte mbi të. “Ai ishte i pamëshirshëm”.
Molly rrëfeu se ia arriti të mbyllej në tualet dhe ndërsa ishte atje, Coleman “i futi duart poshtë derës dhe tha: “Mund të të shoh”. Më pas ajo doli me shpejtësi nga dhoma.
”Mendoj se ndoshta isha shumë e sjellshme.Do të doja të kisha mundur të mbroja më shumë veten. Mendoj, për shkak të madhësisë së tij, nuk u ndjeva e kërcënuar fizikisht”, tha ajo.
Aktori Gary u nda nga jeta në vitin 2010 në moshën 42-vjeçare, vetëm disa ditë pasi pësoi një dëmtim në kokë nga një rënie nga shkallët në shtëpinë e tij në Utah.
