Modelja e njohur Beniada, ishte për disa ditë në Itali dhe mori pjesë në emisionin Tiki Taka nga Piero Chiambretti.
Ndër të tjera tha se pas përfundimit të Big Brother VIP, Beniada tha se po i merr gjërat me ngadalë. Mesa duket Beniada do jetojë e punojë mes Shqipërisë dhe Italisë për disa kohë falë projekteve të shumta.
“Jam shumë e lumtur, është një periudhë shumë e bukur për mua pas Big Brother. Më kanë ftuar te një nga programet më të vjetra në Itali ku flasin për sportin dhe kam bërë fotoshooting. Ishte hera e dytë që kthehesha në Itali dhe sa herë që shkoj, ka një energji të paparë. Kur Chiambretti na thirri, më dridhej trupi dhe ka qenë shumë i bukur. Ka qenë një moment magjik.
Po i marr gjërat si të vijnë. Dua ta shijoj jetën ditë pas dite. Unë mendoj se fama e momentit që kishin banorët e Big Brother mund të shkojë 2 muaj por pastaj vijnë të tjerët. Një këmbë e kam në tokë, një e kam cik lart.”- tha Beniada.
