Enkelejd Alibeaj ka reaguar lidhur me një deklaratë të ish-Kryeministrit Sali Berisha, i cili ka thënë se nuk njeh më si Kryetar të Grupit Parlamentar të PD.
Madje, Berisha deklaroi se Alibeaj ka humbur mbështetjen e Komisionit të Rithemelimit.
Por duket se kjo deklaratë e Berishës është shpërfillur nga Alibeaj, i cili e konsideron ish-kryeministrin një deputet, që nuk është anëtar i grupit të PD.
“Ka pasur një debat të personit, i cili është zoti Berisha. Ai tha unë nuk e njoh më. Kush e tha këtë? Një deputet, që nuk është as anëtar i grupit parlamentar të PD. Ja pra kjo është ideja”, tha Alibeaj në një intervistë për News24.
