Për kërcënimin me vdekje të Presidentit Aleksandar Vuçiç, policia serbe arrestoi mbrëmjen e së premtes një person, raportojnë mediat serbe.
Personi i arrestuar, e kishte kërcënuar presidentin Vuçiç, nëpërmjet rrjetit social Instagram. Ai është marrë në pyetje Prokuroria në Beograd.
Sipas Tanjug, personi i arrestuar e ka pranuar kryerjen e krimit, megjithatë është mbrojtur duke thënë se nuk e ka përdorur terapinë e përshkruar nga mjeku.
Pas paraqitjes së tij në gjykatë, prokuroria ka kërkuar nga gjykata vendosjen e masës së sigurisë me burg.
Personi me inicialet N.S, nga Beogradi, e ka prezantuar veten si një ish-aktor amator dhe tekstshkrues këngësh. Ai kishte publikuar në Instagram një këngë, ku bënte thirrje për vrasjen e Vuçiç.
