Presidenti amerikan Joe Biden, pas një fjalimi në Greensboro, Karolinën e Veriut, ku diskutoi në lidhje me problemet që vijnë nga lufta e Ukrainës, u pa të kthehej pas dhe zgjati dorën të përshëndeste dikë, kur në fakt në skenë nuk ishte asnjë tjetër i pranishëm pranë tij.
Presidenti Biden shihet më pas i hutuar, duke i kthyer shpinën publikut.
Kjo ngjarje, bashkangjitur edhe faktit që presidenti amerikan pretendoi se kishte shërbyer si profesor në Universitetin e Pensilvanisë, pavarësisht se nuk kishte dhënë kurrë një orë mësimi atje, është shfrytëzuar nga republikanët për të vënë në dyshim aftësitë mendore të Biden.
Javën e kaluar, Biden dukej i çorientuar gjatë një takimi, ku ish-presidenti Barack Obama vizitoi Shtëpinë e Bardhë për herë të parë që nga largimi i detyrës.
Sjelljet e fundit të presidentit amerikan krijuan një furtunë komentesh, reagimesh e talljesh në rrjetet sociale.
