Një magazinë në zonën e Yzberishtit në Tiranë është përfshirë nga flakët.
Forcat zjarrfikëse kanë shkuar në vendngjarje për të bërë të mundur shuarjen e zjarrit.
Nuk raportohet për persona të lënduar.
“Në Yzberisht, ka rënë zjarr në magazinën në pronësi të shtetasit M.Z., dhe si pasojë ka vetëm dëme materiale. Në vendngjarje ndodhen forcat zjarrfikëse të cilat po punojnë për fikjen e zjarrit. Vijon puna nga grupi hetimor për zbardhjen e rrethanave të ngjarjes dhe përcaktimin e shkakut të rënies së zjarrit”, njoftoi policia.
