Gjyqi mes Amber Heard dhe Johnny Depp është më i komentuari prej shumë kohësh. Amber ka paditur ish-partnerin e saj për dhunë, teksa pretendon t’i marrë atij 100 milionë dollarë dëmshpërblim.
Depp ka ngritur një padi ndaj Amber, me një vlerë prej 50 milionë dollarë për shpifje dhe akuza për abuzim.
Mediat ndërkomëtare kanë zbuluar edhe dëshminë e ish-asistentes personale të Heard.
Kate James, ish-asistentja personale e Amber Heard, dëshmoi se Heard “mendonte se kishte të drejtë të më ulëriste në fytyrë” kur James kërkoi rritje të pagës. Ajo pohoi se Heard merrte barna stimuluese me recetë, ndonjëherë dukej e dehur.
“Heard u ngrit nga karrigia, e vendosi fytyrën afërsisht katër centimetra nga fytyra ime. Ajo po më ulëriste në fytyrë, duke më thënë se si guxon të më kërkosh rrogën që po kërkon.”
Sipas Kate, Amber Heard shpesh shfaqte “episode maniake, të ngjashme me ato kur dikush merrte ndonjë lloj droge amfetamine. Ecte shpejt, fliste pa kuptim.” Ajo tha se Heard gjithashtu u bë “abuzive” dhe i bërtiste asaj përmes telefonit dhe i dërgonte mesazhe fyese në çdo kohë të ditës. “Unë isha thjesht dikush për të sulmuar.”
Kate shtoi më tej se Heard i tha asaj se nuk i pëlqente të shoqërohej me miqtë e burrit sepse ata ishin “të mërzitshëm dhe të gjithë burra të vjetër që luanin kitarë dhe kjo gjë nuk ishte interesante për të”.
