Aktori Cuba Gooding Jr është shpallur fajtor për akuzën ‘prekje të dhunshme’ ndaj disa grave, të cilën vetë ai e pranoi. Ai akuzohej për dhunimin e tre grave të ndryshme në pika të ndryshme në Manhattan në vitet 2018 dhe 2019.
Pranimi i fajësisë erdhi gati tre vjet pas arrestimit të Gooding në çështjen që pati disa vonesa pasi avokatët e tij kërkuan të reduktonin ose pushonin akuzat.
“Kërkoj falje që kam bërë ndonjëherë dikë të ndihet i prekur në mënyrë të papërshtatshme”, tha ai në gjykatë, sipas The New York Times .
Aktori do të shmangë burgun si pjesë e pranimit të fajësisë.
Gooding, u arrestua në qershor të vitit 2019 pasi një grua 29-vjeçare i tha policisë se i shtrëngoi gjoksin pa pëlqimin e saj në Magic Hour Rooftop Bar & Lounge pranë Times Square. Disa muaj më vonë, ai u akuzua në dy raste të tjera pasi më shumë gra u paraqitën për ta akuzuar për abuzim. Gooding më parë ishte deklaruar i pafajshëm për gjashtë akuza për kundërvajtje dhe mohoi të gjitha akuzat për ngacmim dhe dhunim.
