Enno Bozdo dhe Gazment Bardhi janë përfshirë në një debat mes tyre në emisionin “Top Story” lidhur me zhvillimet në PD.
Reagimi i Bozdos erdhi pasi Bardhi tha se Sali Berisha kishte kontaktuar deputetë të PD me qëllim shkarkimin e Enkelejd Alibeajt.
“Më thuaj vetëm 1 emër, cilin deputet”, iu drejtua Bozdo, Bardhit.
“Nuk jam zëdhënës i askujt”, ishte përgjigjia e Bardhit, ndërsa Bozdo u shpreh se “ne kemi njohur Alibeajn që në fillim si Kryetar i Grupit”.
“Kush jeni ju more që na thoni njohim Alibeajn? Atë e ka zgjedhur Grupi parlamentar, kush jeni ju, ku merr vesh ti, nuk merrni vesh asgjë. Më thuaj një akt bashkimi që keni ndërmarrë ju”, iu drejtua Bardhi, Bozdos.
Ky i fundit tha se Gjykata u shpreh dhe dha një vendim që është përfundimtar. Ndërsa Bardhi tha se vendimi nuk është aspak përfundimtar, është i apelueshëm.
“Dorëhiquni nga e drejta e ankimit, jepni mesazhin që jeni për bashkim”, iu drejtua Bozdo, Bardhit, i cili iu përgjigj “pse të tërhiqemi, mos kini frikë nga Gjykatat”.
