Anëtari i Komisionit të Rithemelimit Enno Bozdo tha mbrëmjen e sotme në emisionin “Top Story” se besonte që Sali Berisha do të drejtojë Partinë Demokratike në një fazë tranzitore, pastaj do i hapv rrugën një gjenerate të re.
Bozdo tha se mendonte që z. Berisha mund të drejtonte PD deri në zgjedhjet vendore dhe bazuar në rezultatin e këtyre zgjedhjeve, të garantonte një proces për një lidership të ri të kësaj partie.
“Berisha ka dhënë prova se rishpik veten e tij sa herë që ndodhet përballë situatave politike. Unë mendoj se PD ka nevojë për një lidership të ri, por duhet të pranojmë që roli i z. Berisha në çdo zhvillim është i padiskutueshëm. Ka meritën kryesore që zgjoi demokratët, pasi sot do të kishim një PD në gjumë”, tha Bozdo.
