FIFA ka caktuar datën dhe vendin se ku do të luhet ndeshja e prapambetur mes Skocisë dhe Ukrainës, e vlefshme për fazën play off të Botërorit të Katarit 2022.
Sipas njoftimit ndeshja Skoci-Ukrainë do të luhet më 1 qershor në stadiumin “Hampden Park” në Glasgoë. Ajo ishte parashikuar të luhej më 24 mars, por u shty për shkak të ndërhyrjes ushtarake ruse në Ukrainë.
Fituesi i këtij takimi më pas do të përballet me Uellsin për të siguruar një vend në Botërorin e futbollit që do të zhvillohet në muajt nëntor dhe dhjetor. Ai do të jetë në të njëjtin grup me Anglinë, Iranin dhe SHBA.
