Ish-kreu i PD Lulzim Basha ka vijuar takimet në qytetin e Beratit, në kuadrin e një turi takimesh që ka filluar pasi u largua nga selia e PD-së, atje ku qëndroi në detyrën e kryetarit për disa muaj me rradhë pas Kuvendit të 11 dhjetorit 2021, që e shkarkoi nga çdo funksion drejtues.
Basha ka bashkëbiseduar me një grup mbështetësish të cilëve iu ka thënë se nuk ka ndërmend të tradhëtojë kontributet e demokratëve, por ka shtuar se PD nuk ka të ardhme me një person “non grata” në drejtimin e saj.
Gjithashtu deputeti i PD e ka cilësuar si përçarëse gjuhën që përdoret nga ato që i konsideron si “Foltorja”, referuar turit të takimeve të ish-Kryeministrit Sali Berisha, pasi këtë të fundit e përjashtoi nga Grupi Parlamentar me 9 shtator dhe më pas edhe nga PD.
