Gazment Bardhi u shpreh sot në emisionin “Top Story” se Lulzim Basha po zhvillon takime falenderuese dhe informusese me mbështetësit e tij.
Bardhi tha se Basha nuk ka marrë pjesë në mbledhjet e zhvilluara deri më tani të Grupit Parlamentar.
“Me sa di unë dhe informacioneve që kam z. Basha po zhvillon takime për të informuar mbështetësit e tij lidhur me dorëheqjen nga posti i kreut të PD, pasi ishte një veprim i papritur.
Janë takime edhe falenderuese për mbështetësit, por z. Basha nuk është përfshirë në debatet e deritanishme në Grupin Parlamentar. Ndërkohë nga ana tjetër z. Berisha vijon sulmet ndaj z. Basha. Tani ajo që mund të them është se përçarja e demokratëve është në bazën e partisë, po zhvillohen zgjedhje përjashtuese, ndërkohë që është kërkuar një Kuvend pajtimi dhe ndërprerje e zgjedhjeve të brendshme. Ka rinisur shigjetimi jo ndaj Bashës por ndaj Enkelejd Alibeajt. Sali Berishës nuk i intereson një PD e madhe dhe fituese, Berisha ka nevojë për një parti të vogël”, tha Bardhi.
