Shuplaka që Will Smith i dha komedianit Chris Rock në ‘Oscars’ i ka sjellë disa përfitime aktorit.
Aktori u përjashtua nga ceremonia Oscar dhe eventet e tjera për 10 vite. Por mes shumë kritikash, duket se aktori ka disa përfitime.
“Will”, libri i tij i botuar në dhjetor është kthyer në një nga librat më të kërkuar në Shtetet e Bashkuara, sipas “Forbes”. Libri është kthyer në listën e USA Today të 150 librave më të shitur, përkatësisht në vendin e 73. Po ashtu, në renditjen e “New York Times” ka kaluar nga i 14-i në vendin e dytë, duke u bërë një nga librat më të shitur.
Në libër, Smith flet për abuzimin fizik që pësoi nëna e tij nga babai i tij. Aktori shkroi se ai madje mendoi të vriste babanë e tij për këtë arsye. Libri detajon gjithashtu periudhën e vështirë të aktorit kur kishte mendime vetëvrasjeje në kohën e adoleshencës.
