Përndiqte prej kohësh një diplomate të misionit të BE-së në Tiranë, arrestohet italiani me banim në Britaninë e Madhe.
Nga raportmet mësohet se i ndaluari nga policia është Matteo Gioachin, me kombësi italiane, por me banim në Angli.
Gioachin, kishte udhëtuar nga Anglia në Shqipëri vetëm për të takuar dhe krijuar një lidhje intime me zyrtaren e ambasadës së Bashkimit Europian në Tiranë.
Sipas kallëzimit të bërë nga diplomatja Franceska Renzi, Gioachin e ka përndjekur në mënyrë të vazhdueshme kur ka qenë diplomate edhe në disa shtete të tjera, kryesisht në vende publike si rrugë, bare apo restorante.
Por nuk mungonin dhe shqetësimet përmes telefonin dhe adresës së e-Mailit.
Sipas kallëzueses, kjo histori përndjekje ka disa vite që ka ndodhur dhe ka filluar në qytetin e Padovës në Itali, duke vijuar më pas të përsëritet edhe në shtete të tjera, ku ajo ka shërbyer si diplomate.
Ndaj Matteo Gioachin, Gjykata e Tiranës, ka caktuar masa e sigurisë “arrest me burg” 40 ditor.
