Infeksionet me Covid-19 vazhdojnë të rriten në Shangai, pavarësisht bllokadave në shkallë të gjerë, deklaruan autoritetet vendase.
”Një numër i lartë prej 26 330 infeksionesh të reja u raportua dje, por shumica e rasteve janë asimptomatike”, theksuan ato.
Pavarësisht njoftimit të hënën për një lehtësim gradual të pritshëm të bllokadës, shumica dërrmuese e popullsisë prej 26 milionë banorësh të zonës së Shangait vazhdon të jetë e prekur nga shtetrrethimi.
Qeveria e qytetit ka ndaluar gjithashtu qarkullimin privat në rrugë.
Por, sot, banorët u lejuan të largoheshin nga shtëpitë e tyre.
Megjithatë, shumica e dyqaneve mbeten të mbyllura.
Ka pakënaqësi në rritje në Shangai, qendra ekonomike dhe financiare e Kinës, për furnizimet e pamjaftueshme ushqimore, problemet me kujdesin mjekësor ose fëmijët e infektuar që mbahen larg prindërve për shkak të rregullave të karantinës.
