Deputeti demokrat Lefter Gështenja deklaroi se njeh si kryetar të PD-së Enkelejd Alibeajn.
Në emisionin Now në Euronews, Gështenja tha se Alibeaj është zgjedhur nga Këshilli Kombëtar si një ndër 4 nënkryetarët e Partisë Demokratike.
Kur 2 nënkryetarë u larguan dhe Jorida Tabaku nuk pranoi pozicionin, ushtrimin e kësaj detyre e mori automatikisht Enkelejd Alibeaj.
Ndërkohë, nga ana tjetër, Gështenja pohoi se nuk i konteston vendimet e gjykatës.
Për ish-anëtaren e kryesisë së PD-së, Endira Bushatin, kjo është kontradiktore, duke qenë se Alibeaj, ai që njihet nga Gështenja si kryetar ka kontestuar gjykatën.
“Kë pyeti Alibeaj për të bërë ankimim kundër gjykatës”, pyeti Bushati ndërsa shtoi se jemi para një deficiti demokratik.
Sipas saj është statuti ai që rekomandon që kreu i PD-së zgjidhet nga Këshilli Kombëtar dhe jo nga sekretari i përgjithshëm.
