Një kamera sigurie ka filmuar momentet e vrasjes së ndodhur në Shkodër mëngjesin e djeshëm.
Ora shënon 8 e 12 minuta. Nga pamjet duket një automjet tip “Benz” që ndalon buzë lokalit ku Nazmi Bandula ishte duke pirë kafe. Në momentin që makina ndalon, 55-vjeçari shquhet që është në këmbë.
Nga makinae qëllohet me armë në drejtim të Bandulës. Më pas, automjeti riniset për tu larguar nga vendngjarja.
E gjithë skena ndodh në vetëm 3 sekonda.
Autorët e krimit, ende të paidentifikuar, mendohet se janë vrasës me pagesë, ndërsa dyshohet se viktima është ekzekutuar për konflikte të mundshme që lidhen me të kaluarën e tij kriminale.
Targat e makinës së përdorur në atentat rezultojnë të vjedhura.
