Enkelejd Alibeaj, i cili drejton mbledhjen e Grupit Parlamentar të PD, ka tentuar sot të ndërpresë diskutimet duke kërkuar një pushim 10 minutësh, por asnjë prej deputetëve nuk i është përgjigjur.
Alibeaj ka tentuar të ndërpresë mbledhjen në momentin që ish-Kryeministri Sali Berisha ka rimarrë fjalën për të replikuar.
Nga raportimet mësohet se Alibeaj ka kërkuar një pushim 10 minutësh, është ngritur dhe në momentin që asnjë prej deputetëve nuk e ka përkrahur është detyruar të ulet sërisht dhe të vijojë mbledhjen.
Prej disa orësh deputetët demokratë po debatojnë mbi zhvillimet më të fundit në PD, ndërsa ish-Kryeministri ka deklaruar se nuk e njeh më Alibeajn si Kryetar të Grupit Parlamentar.
