“Bashkimi i demokratëve mund të realizohet vetëm me votën e lirë dhe jo me ankime gjykatash”, mësohet të jetë shprehur në mbledhjen e Grupit Parlamentar të PD, deputeti Flamur Noka.
Në këtë kuadër ai kërkoi tërheqje nga ankimimet në gjykata pasi drejtimin e vendos vota. Mes të tjerash ai akuzoi Alibeajn se po bën agjendë përçarëse.
“Bashkimi i demokratëve domethënë rikthim në nomralitetin para 9 shtatorit. Ish kryetari që mori vendimin individual pa pyetur institucionet mori edhe faturen individuale me ikjen.
Bashkë me të ikën çdo vendim që ai ka marrë. Bashkim do të thotë tërheqje nga ankimimet në gjykata pasi drejtimin e vendos vota. Pas datës 6 mars ne që dolëm shumicë kemi bërë thirrje vetëm për bashkim. Kryetari i grupit me ndonjë tjetër ka vazhduar axhendë tjetër përcarëse”, ka thënë Noka.
