Nëna e moderatores Fjoralba Ponari u nda nga jeta pak kohë më parë pasi vuante nga një sëmundje e rëndë. Këtë periudhë të vështirë Fjoralba e ka kaluar në privatësi me familjarët e saj.
“Është një dhimbje që nuk dua ta flas, dua ta mbaj për vete, por duhet të vazhdojmë të ecim përpara”– tha moderatorja e përlotur pak javë më pas e ftuar në “Goca dhe Gra”.
Së fundmi, në një intervistë virtuale me ndjekësit në Instagram dikush e ka pyetur Fjoralbën: “Sa mendon se do i mbash të zezat?”
“Unë jam ende me të errëta, jo të zeza, por mendoj se është shumë personale dhe asnjë ngjyrë në rroba nuk rrit dhe as zvogëlon dhimbjen që ti ndjen. Fundja mund të veshësh gjithë ngjyrat e ylberit dhe shpirtin ta kesh po plagë”- shkruan Fjoralba.
