Agron Loka u zgjodh si drejtues i degës së PD në Fushë Krujë me 92 % të votave të anëtarësisë në procesin e zgjedhjeve që u zhvillua ditën e djeshme.
Ndërkohë në një mesazh drejtuar demokratëve, Loka shkruan se demokratët e Fushë Krujës për të parën herë në histori e rikonfirmuan si Kryetar të PD në procesin e zgjedhjes nga anëtarësia, me një anëtar një votë.
“Besimi që ata më dhanë sot është një vlerësim, por edhe një përgjegjësi për sfidat politike që na presin për ta kthyer PD në një forcë fituese.
Gjatë këtyre muajve kemi përjetuar një nga situatat më të vështira që ka pasur PD që nga dita e krijimit dhe ka qenë vendosmeria e të gjithë demokratëve që bëri që PD të mbrojë vlerat e lirisë dhe opozitarizmit.
Është kënaqësi të shikoja në procesin e votimit bashkimin e të gjithë demokratëve duke respektuar diversitetin në qëndrimet politike të secilit.
Tani, të bashkuar jemi më të fortë dhe të vendosur në betejën tonë për përmbysjen e regjimit më të korruptuar në Europë”, shkruan Loka.
