Ish-guvernatori i Misurit, Eric Greitens (Republikan), një kandidat për Senatin e SHBA, i tha Breitbart News se ‘e vërteta mbizotëron’. Reagimi erdhi një ditë pasi Gjykata e Lartë e Misurit urdhëroi prokuroren në rastin e tij të publikonte të dhënat e saj të komunikimit me miliarderin demokrat, George Soros.
Gazetari i Breitbart News, Matthew Boyle e intervistoi Greitens dhe të dy diskutuan zhvillimet më të fundit në fushatën e Greitens për Senatin e SHBA-së.
Greitens hapi intervistën duke folur për vendimin e së premtes nga Gjykata e Lartë e Misurit që urdhëron prokuroren e financuar nga Soros, Kimberly Gardner, të tregojë komunikimet mes saj dhe Soros brenda 30 ditëve. Greitens tha se hetimi i Gardner ndaj tij në vitin 2018 filloi vetëm sepse ai ndaloi me sukses protestuesit Black Lives Matter dhe ANTIFA kur ata erdhën në Misuri.
Greitens tha:
Kur Black Lives Matter dhe ANTIFA erdhën në Misuri, ne i mundëm ata dhe i treguam George Soros dhe të majtëve se ata mund të mposhten. Dhe ajo që ne dimë tani është menjëherë pas kësaj, prokurorja e financuar nga George Soros që sapo përmendët, Kim Gardner, punësoi një ish-agjente të korruptuar të FBI-së për të sajuar një çështje të rreme kundër meje.
Ne po arrijmë në fund të kësaj çështjeje Matt, dhe ajo që është edhe më e mirë është se të hënën, ajo përballet me masa disiplinore për mbi shtatëdhjetë raste të dëshmisë së rreme në ngritjen e çështjes kundër meje. Përfundimi për të gjithë dëgjuesit tuaj është se përfundimisht, e vërteta mbizotëron. Matt, për shkak të guximit tuaj dhe guximit të të tjerëve që janë të gatshëm të luftojnë për të vërtetën.
Boyle vuri në dukje se institucioni ka një përbuzje të thellë për kandidaturën e Greitens dhe vuri në dukje raportet se Karl Rove dinte për akuzat e fundit të ish-gruas së Greitens kundër tij para kohe, si dëshmi e këtij fakti.
Greitens pranon se institucioni e urren atë sepse ai është kundër ‘makinerisë Soros’, liderit republikan të Senatit Mitch McConnell (R-KY) dhe RINO-ve të tjerë në detyrë.
“Është ashtu Mat. Ata më urrejnë sepse ngrihem dhe luftoj për popullin e Misurit,” tha ai.
“Dhe unë po ngrihem dhe po luftoj jo vetëm kundër makinës Soros, por edhe kundër Mitch Mçonnell-it dhe të gjithë RINO-ve që vazhdimisht i kanë goditur popullit amerikan pas shpine.”
“Isha krenar që isha kandidati i parë në vend që doli dhe tha se kur të zgjidhem në Senatin e Shteteve të Bashkuara, do votoj kundër Mitch McConnell. Ne kemi nevojë për një udhëheqje të re të fortë nën moton ‘America First’ në Senatin e SHBA-së.” -tha Greitens.
“Dhe kështu, sigurisht, nuk ishte befasi për askënd, pikërisht në javën kur jam në pushimin pranveror me djemtë e mi për tetë ditë rresht, Karl Rove dhe aktivistët politikë po takohen në Uashington DC, për të nisur një seri tjetër krejt me akuza të rreme të cilat tashmë janë hedhur poshtë.”
“Arsyeja pse ata janë kundër meje, Matt, është sepse kur të jem në Senatin e SHBA-së, ne do të arrijmë tek e vërteta.” – shpjegoi më tej Greitens. Ai u zotua se kur të zgjidhet në Senat, do të ‘mbajë seanca dëgjimore mbi marrëveshjet e fshehta midis organizatave të medias, demokratëve, teknologjisë së madhe dhe RINO-ve, të cilët kanë shtypur qëllimisht informacionin në laptopin e Hunter Biden’.
Greitens gjithashtu bëri thirrje për seanca dëgjimore në Senat për dosjen famëkeqe Steele:
“Kur të jem në Senatin e SHBA-së, ne në fakt do të luftojmë për patriotët. Ne në fakt do të luftojmë për axhendën e ‘Amerika e Para’. Ne do të arrijmë deri në fund të integritetit të zgjedhjeve. Fakti që ne demaskuam plotësisht mashtrimin e çështjes për të cilën u akuzua Trump lidhur me Rusinë. Nuk kemi pasur ende seanca dëgjimore. Ne duhet të kemi seanca dëgjimore për këtë në Senatin e SHBA për të kuptuar atë që bëri Hillary Clinton me dosjen Steele. Do shkojmë deri në fund në rastin e Hillary Clinton, që spiunoi fushatën e Trump, të gjitha ato përpjekje për të spiunuar Presidentin Trump në detyrë, dhe ne duhet t’i sjellim përgjegjësit para drejtësisë.”
Pasi Boyle vuri në dukje se kandidatët e tjerë republikanë në garën për Senatin amerikan të Misurit kundërshtojnë të thonë nëse do të mbështesin Mitch McConnell, Greitens tha: “Unë jam kandidati i ‘Amerika e Para’ në këtë garë.”
“Unë jam ai që kam mbrojtur popullin amerikan për integritetin zgjedhor, më 6 janar; Unë jam i vetmi që kam zbritur dy herë në auditime në Maricopa County.” – tha ai.
“I vetmi që zbriti në anën meksikane të kufirit për të ekspozuar hipokrizinë dhe shkatërrimin e politikës kufitare të Joe Biden.”
Greitens promovoi gjithashtu miratimet e tij nga ata që janë të lidhur ngushtë me ish-presidentin Donald Trump, duke përfshirë Kimberly Guilfoyle, Sebastian Gorka, Rudy Giuliani dhe Steve Cortes.
Greitens e përfundoi intervistën duke theksuar paaftësinë e Mitch McConnell ‘për t’u ngritur dhe luftuar kundër’ nominimit të Ketanji Brown Jackson dhe rekordin e saj ‘absolutisht të tmerrshëm’ për pedofilët.
