Një aksident i rëndë ka ndodhur sot në zonën Lassi Argostoli në Kefaloni. Sipas raportimeve të medias greke inkefalonia.gr, një student shqiptar 17 vjeç është djegur në makinë për shkak të një aksidenti rrugor.
17-vjeçari shqiptar nuk ka arritur të zbresë dot nga automjeti, në të cilin udhëtonin dhe bashkëmoshatarët e tjerë.
Sipas dëshmitarëve okularë, mjeti ka qenë duke lëvizur me shpejtësi të madhe, kur është përmbysur dhe është përplasur me shtyllat e vendosura në trotuar, përplasje e cila më pas ka shkaktuar shpërthimin në makinë.
Zjarri u përhap shumë shpjet në kabiën e pasagjerëve.
Po sipas kësaj medie, të gjithë pasagjerët janë studentë të EPAL Argostoli, me origjinë shqiptare.
Policia Rrugore e Argostolit ka nisur hetimet për zbardhjen e shkaqeve të kësaj ngjarje tragjike.
Pasagjerët e tjerë të mjetit janë në gjendje të mirë shëndetësore, ndërsa njëri prej tyre ka pësuar vetëm lëndime të lehta.
