Ish-Kryeministri Sali Berisha u shpreh në emisionin “Politiko” se shkaku kryesor i shpalljes së tij “non grata” ishte qëndrimi kundër ndarjes së Kosovës.
Berisha tha se pas këtij projekti qëndronte George Soros, i cili ka shpenzuar mbi 32 mld dollarë për influencat politike kudo në Botë.
Ish-Kryeministri tha se nëse do të zbatohej ky projekt, Kosova do të ndahej mes Serbisë dhe Shqipërisë, dhe Kosova nuk do të ekzistonte fare.
“Kur Edi Rama më tha në Kuvend se nuk e kaloja dot Atlantikun sepse kisha qëndrim konspirativ ndaj politikës së jashtme të SHBA. Dhe kjo ka lidhje me faktin se kur erdhën në zyrën time drejtuesit politikë të Kosovës që kundërshtonin projektin, kjo mu faturua mua, sikur unë i kisha bindur ata që të mos e pranonin projektin, pasi më parë ishte thënë nga John Bolton se për këtë projekt ka dakordësi në Tiranë, Prishtinë dhe Beograd”, tha Berisha.
