Ish-Kryeministri Sali Berisha u shpreh në emisionin “Politiko” se nuk ka pranuar ofertat që ka pasur për të lobuar lidhur me heqjen e “non grata”.
Berisha tha se ai ka refuzuar çdo ofertë, ndërsa zgjodhi përballjen në gjykatë, pasi i konsideron si shpifje gjithçka që thuhet në vendimin e DASH.
Ish-Kryeministri tha se ka pasur kërkesat nga amerikanët që të rikthehej në krye të PD para 25 prillit, por i ka refuzuar.
“Nuk kisha ndërmend të rikthehesha, kam pasur oferta që të merrja drejtimin e PD para 25 prillit, madje ka edhe dëshmitarë”, tha Berisha.
Sipas ish-kryeministrit ai nuk mund të pohonte se shpallja “non grata” është bërë me qëllim që të zgjohej opozita apo që të rikthehej Berisha në krye të PD.
“Ishte një vendim që tronditi PD, por rikthimi im ka të bëjë me humbjen e zgjedhjeve të 25 prillit”, tha Berisha.
