Niveli i liqenit në basenin më të madh ujëmbledhës në kaskadën e Drinit ka arritur në 270 metra nga 259 metra që ishte ditët e fundit të muajit mars.
Këto shifra tregojnë se që nga dita e parë e reshjeve të shiut niveli i ujit në liqenin e Fierzës është rritur me 11 metra.
Niveli maksimal i liqenit është 296 metra. Për të arritur këtë shifër basenit më të madh i duhen edhe 26 metra.
Ndërkohë janë rikthyer edhe reshjet e borës në fshatrat e Kukësit në lartësinë mbi 700 metra.
Deri tani nuk raportohet për probleme. Reshjet e shiut kanë intesitet të ulët. Por që temperaturat janë ulur ndjeshëm të cilat shoqërohen me erë të fortë.
