Një grua është plagosur pas shpërthimit të një bombole gazi në banesën e saj, në Trozhan të Lezhës.
Ajo është transportuar për në Tiranë për shkak të dëmtimeve të marra.
“Rreth orës 11:25, në fshatin Troshan, Lezhë, tek banesa e shtetasit M.L. ka shpërthyer një bombol gazi ku për pasojë janë shkaktuar dëme materiale në banesë si dhe është lënduar shtetasja Gj.L. 67 vjeçe, e cila është dërguar për mjekim më të specializuar në QSU Tiranë”, njoftoi policia.
Grupi hetimor ndodhet në vendin e ngjarjes dhe po kryen veprimet hetimore për sqarimin e plotë të rrethanave të ngjarjes, shtuan të njëjtat burime.
