Princeshë Elia Zaharia Zogu është një nga mikeshat më të hershme të aktores Olta Goxhari, e cila prej kohësh po jeton në Spanjë. Në një mesazh në “Rudina” në Tv Klan, Elia përlot Olta Gixharin me disa fjalë zemre.
“Mirëdita Rudina, e dashur. Mirëdita, Olta, Oltush, Gixhi im, më kërkuan të them dy fjalë për ty, po mendoje dy fjalë për Oltën. Unë për Oltën po fillova sot mbaroj nesër. Shpirti im, dëgjo. Përveçse je e bukur dritë, hënë e yll e ç’të duash ti, bjondja ime e preferuar, ajo që vlen të përmendet në fakt, është që unë jam me fat si të gjithë ata njerëz që ta njohin këtë pjesë, mbrapa asaj fasadës tënde moskokëçarëse ti ke një thelb shumë të adhurueshëm, ke një thelb shumë të ndjeshëm, je artiste brenda, ke shumë për të dhënë, ke shumë dashuri, ke shumë dhembshuri për njerëzit.
Je e vështirë që të të duash, por në momentin që ta prek zemrën, ti të jep botën. Unë jam me fat që hyj tek njerëzit që kam ndarë me ty zemrën. Të dua fort, të dua shumë dhe uroj që të jesh mamaja më e lumtur në botë, gruaja më e realizuar, më e përmbushur, të bësh atë që do në jetë, të merresh me gjërat që të pëlqejnë se je artiste, e di ti. Zoti të ta bëjë rrugën dritë në çdo hap që hedh, shpirt. Të dua fort. Uroj ta kesh jetën ashtu siç e ke zemrën, të puth shumë.”
Në fund të mesazhit, Olta përpiqet të mbajë lotët teksa plotëson me disa detaje vitet e miqësisë mes tyre.
“Elia zë një vend shumë të veçantë në zemrën time, kemi shumë vite që njihemi, kemi kaluar shumë gjëra të ndryshme në këndvështrime të ndryshme në jetë. Kemi punuar bashkë, kemi ndarë tavolina bashkë, kemi pirë një gotë verë bashkë, çaj, kemi ndenjur, kemi bërë biseda, kemi ndarë mendime. Është një periudhë e gjatë që unë Elian e kam në mënyrë konstante mikeshë dhe realisht jemi shumë të lidhura. Më ka marrë shumë malli, Elia!”
