BE rikthehet në Ukrainë, ambasadori rifillon punën në zyrën e tij |

Lexo edhe:

No Content Available

Bashkimi Evropian po rifillon praninë e tij diplomatike në Kiev pasi e zhvendosi atë përkohësisht në Poloni pas pushtimit rus të Ukrainës, njoftoi blloku të premten.

Në një postim në Twitter, ambasadori i BE-së në Ukrainë, Matti Maasikas tha se po kthehet në Kiev për të rritur praninë e BE-së dhe për të siguruar mbështetjen për partnerët ukrainas.

So happy to be back in Kyiv. https://t.co/nd9nDdkVLg

— Matti Maasikas (@MattiMaasikas) April 9, 2022

Presidentja e Komisionit Evropian Ursula von der Leyen dhe Përfaqësuesi i Lartë i BE-së për Punët e Jashtme dhe Politikën e Sigurisë, Josep Borrell udhëtuan në Ukrainë të premten për t’u takuar me Presidentin Volodymyr Zelensky dhe zyrtarë ukrainas.

“Me këtë vizitë, Bashkimi Evropian po kthehet në Kiev. Dhe e kam fjalën për këtë fjalë për fjalë: Shefi i Delegacionit tonë është kthyer këtu, në mënyrë që ne të mund të punojmë edhe më drejtpërdrejt dhe më ngushtë me partnerët tanë ukrainas, duke siguruar mbështetje për ukrainasit.”-shkroi Borell në Twitter të premten.