Urdhëruesi i dyshuar për vrasjen e biznesmenit Behar Sofisë në Tiranë është identifikuar dhe shpallur në kërkim.
Sipas raportimeve mediatike, SPAK ka lëshuar urdhër-arrest për Jemin Sherajn, si i dyshuar se ka urdhëruar vrasjen.
Raportohet po ashtu se ky i dyshuar është fiksuar nga kamerat e sigurisë të një lokali në një tavolinë me të arrestuarin tjetër, Skënder Vathi, i dyshuar si organizator i vrasjes.
66-vjeçari Behar Sofia u ekzekutua Më 25 shkurt 2021. Vrasja u raportua se ishte kryer kundrejt një shume prej 50 mijë eurosh, ndërsa si autor i dyshuar i saj u arrestua Ernejt Shyti, i cili ishte në rolin e ekzekutorit. Disa javë pas ngjarjes, ai u arrestua, ndërsa policia tha se kishte gjetur edhe maskën, por edhe biçikletën që ai ishte larguar pas krimit.
Si bashkëpunëtorë, policia ka arrestuar edhe disa persona të tjerë.
Të përfshirët në vrasjen e Sofisë u zbuluan pas bashkëpunimit me drejtësinë të Ernejt Shytit.
Lexo edhe:
